CRUACHA GLAS’ NA hÉIREANN

Tá an samhradh ag sileadh a shéada inniu ar fud oileán na naomh

Tá an ghrian ag soilsiú go gléigeal is ag líonadh le haoibhneas an tír;

Ó is minic mé ag smaoineamh ar philleadh ar ais ionsar chairde mo chléibh

I measc suáilcí sona mo chine ina gcónaí fá chruacha na hÉireann

Curfá:

Cruacha glas’ na hÉireann a’ lonrú  i measc coillte craobh,

Ó a charaid, nach méanar, sinne fá dheireadh ag pilleadh thar sáile?

Gaotha grinn dár seoladh, luascadh ar dhroim na mara,

Ó ní fada go mbeimid slán sa bhaile fá chruacha na hÉireann.

Is fada an lá é ó d’fhág muid ár mbaile is ár muintir i mbrón,

Ag dréim lenár málaí a líonadh thar sáile le hairgead is le hór.

Ó nach cuma má tá muid ag pilleadh gan pingin inár bpócaí fá réir

Tá an tsláinte go fóill inár gcnámha, ag pilleadh go cruacha na hÉireann.