Ar m’aisling aréir tré néaltaibh im’ shuain dhom
Do dhearcas an bhéchriostal dea-mhaorga an dress uaithne
D’fhiosraigh sí go séimh díom an bhfuil aon léann ort ná buaireamh
Do cháirde bheith tréith lag ar thaobh Chill an Fhuarthainn.
Do phreabas suas trím’ néaltaibh mar nár mhéin liom an duan sin
Nó go bhfuaireas thú go traochta an thaobh Chill an Fhuarthainn
An é an evil ón spéir nó an t-ague do bhuail thú
Is a d’fhág tú go thréith lag ar thaobh Chill an Fhuarthainn.
Is a cháirde ba thréanmhar ba thréan-mhear baghluiste
Níor bhfearr leat an Ghaeilge chun bhéarra chur i bhfuaimeint
Do léigheasfainn an t-éag díot, dá m'b'fhéidir liom ort fuascailt
Agus guímse Mac Dé leat ar thaobh Chill an Fhuarthainn
Tá filí na hÉireann anois ar fad buartha
Ó chualadar an scéal úd go raibh Éire fé chruatan
Ach anois ó táir tréithlag ‘is nach féidir liom fuascailt
Guímse Mac Dé leat ar thaobh Chill an Fhuarthainn.
Taifeadtaí
- Amhráin Aneas – Nioclás Tóibín
Stór Oidhreachta na nDéise 