Tá an londubh is an chéirseach
Is an fhuiseoigín le chéile
Is an smóilín binn bréagach
‘Na ndéidh ins gach aird.
An chuach i measc an mhéid sin
Ag seinm dánta is dréachta
Do chúl trom tais na bpéarla
Is dom chéad míle grá.
Is trua gan mé is mo shiúirín
Is barr mo láimhe dlúth léi
Go seinnfinn di go súgach
Le mórghrá dá gnaoi.
A laoi nárbh aoibhinn domhsa
Dá bhfaighinnse cead a bheith ag siúl léi
’S a rún mo chroí bí ag súil liom
Le h-éirí don lá.
Dá mbeinnse im’ smóilín
Do leanfainn tríd an mhóin í
Mar is ise bláth na hóige
Do thógfadh suas mo chroí.
Ó bheinnse ‘seinm ceoil di
Ó mhaidin go tráthnóna
Le céiliúir binn dá cealgadh
‘S le mórdháil dá gnaoi.
Stór Oidhreachta na nDéise 
One thought on “An Londubh is an Chéirseach”