A Spailpín, a rúin, dé do bheathasa chugainn Nó cár bhainis an fómhar chomh luath san? Dá mbeadh a fhios agam féin cá rabhais aréir Ba ghairid liom do bhéal a phógadh. A chailleach bhuí chróin, níor mhilis liom do phóg Is ní ghlacfainn céad bó mar spré leat, Mar go mb'fhearr liomsa póg ó chailín beag óg Ná a bhfuil agat ar bhord an tsléibhe amuigh. A Spailpín, 's a stór, fan socair go fóill Go bhfaigheadsa mo chaidhp is mo chlóca, Mo bhróga sáil bata le búclaí an fhaisin Is go deimhin ná go mbogfadsa an ród leat; Ó raghad leat go caiseal nó go Cluain Gheal na Meala 'S go Carraig na Siúire thar m'eolas Ach go brách an fhaid a mhairfead Ní thriallfadsa abhaile Is cuma cé 'bhainfidh an eornan. Is a bhuachaillí crua, gearraigí go luath Agus cuirigí bhur gcúnamh le chéile Go mbainfimidne dúiseacht as bhodaigh a' phlúir gheal 'S go raghaimid 'nár ndúthaigh féinig. Sé cloisim á rá ná seasfaimid an lá 'Gus na bodaigh 'tá lán dhe phónaire Ach ní acu súd atá ach ag Rí na nGrást Is go dtuga Dia slán ón bhfómhar sinn.
Taifeadtaí
- An Tobar Séimh – Cárthach Mac Craith
- Idir Dhá Chomhairle – Áine Uí Cheallaigh
- Rinn na nGael – Nioclás Tóibín
http://seannos.tg4.ie/baile/amhranaithe/aine-ui-cheallaigh/a-spailpin-a-ruin-amhrain-is-ansa-liom/
Stór Oidhreachta na nDéise 