Cá Rabhais ar Feadh an Lae Uaim

 Cá rabhais ar feadh an lae uaim, a bhuachaillín ó?
 Cá rabhais ar feadh an lae uaim, a lao ghil is a stór?
 Bhíos ag fiach is ag foghlaeireach, a mháithrín ó,
 Agus cóirigh mo leaba, táim breoite go leor.
 

 Cad a dh'ithis do do dhinnéar, a bhuachaillín ó?
 Cad a dh'ithis do do dhinnéar, a lao ghil is a stór?
 Dh'itheas sicíní nimhe ar phláitíní óir,
 Agus cóirigh mo leaba, táim breoite go leor.  
 

 Cad a 'fhágair ag d’athair, a bhuachaillín ó?
 Cad a 'fhágair ag d’athair, a lao ghil is a stór?
 Mo chóiste is ceithre capall, a mháithrín ó,
 Agus cóirigh mo leaba, táim breoite go leor.
 

 Cad a ‘fhágair ag do mháithrín a bhuachaillín ó?
 Cad a ‘fhágair ag do mháithrín, a lao ghil is a stór?
 Mo bha is mo chuid talamh, a mháithrín ó
 Agus cóirigh mo leaba, táim breoite go leor.
 

 Cad a 'fhágair ag do ghrá geal a bhuachaillín ó?
 Cad a 'fhagair ag do ghrá geal a lao ghil is a stór? 
 Téad ard chun a crochta a mháithrín ó
 Agus cóirigh mo leaba, táim breoite go leor.