(ó bhéal aithris Phádraig de Faoite, An tSeana-Chill, Rinn Ua gCuanach)
Fonn – An Spealadóir
Agus a Cháit Ní Fhloinn do mheallais mé le ráite do bhéal
Gheall tú páirc is paiste dhom de bharr mín réidh,
Ach ní raibh agat nach ac(a)ra, ó, dhe mhúinteán báite bascatha
’gus buachaill bhí ró-sheasamhach ná barr dho saol.
Portaireacht…
’S ní raibh agat nach ac(a)ra, ó, dhe mhúinteán báite bascatha
’gus buachaill a bhí ró-sheasamhach ná barr dho saol.
Fuair mé speal in Sasana agus crann sa nGréig
Cloch is cláir is gaineamh air óm’ dhúithí fhéin
’gus a’ faobhar a chuirfinn ar maidin suas sheasódh sé rioth na seachtaine
’s is bearrtha bhíodh a’ t-ac(a)ra le héirí an lae.
Portaireacht…
’s a’ faobhar a chuirfinn ar maidin suas sheasódh sé rioth na seachtaine
’s is bearrtha bhíodh a’ t-ac(a)ra le héirí an lae.
Ó, leagas-sa mo chrann i dteannta an fhéir,
’S an spealín cneasta í nár cham riamh do bhéal.
Ó, ’s mo mhúirnín bhí ar bharr a’ chré a d’iarraidh é chuir trí (chuirim?) ghlas
’s óm’ chroí go gcuirfinn giorraithe ar fán chun sléibhe.
Portaireacht…
Ó, ’s mo mhúirnín bhí ar bharr a’ chré, ó, a d’iarraidh é chuir trí (chuirim?) ghlas
’s óm’ chroí go gcuirfinn giorraithe ar fán chun sléibhe.
Stór Oidhreachta na nDéise 