Idir Chaiseal & Durlas do dhearcas mo rúnach
Go hatuirseach tabhartha am' choinnibh sa ród
Do labhair sí go tláith liom de chomhrá bhinn mhánla
Is do chuir sí romham fáilte & céad míle póg
Seo litir óm' athair & beannachtaí om' mháithrín
Á dtabhairt anseo id' láthair a ógánaigh óig
Go bhfaighfeá-sa na táinte le Spré stoc le n-áireamh
'Gus mise mar bharr ar sin choíche is go deo
Agus inis sé dod athair is gan dearmad dod ' mháithrín
Go bhfaighfeá mé le pósadh a chailín bhig óig
Ach go bhfuilimse in áirithe le bliain is trí ráithe
Ag iníon Sheáin Dáibhís Ó Chondae Mhuigheo
Is ná bíodh sé le hinsint anois ort ná choíche
Fill abhaile chun do mhuintir a chailín bhig óig
Mise Éamonn Mhágáine nár ias riamh le náire
Is gheobhair i Sliabh Bán mé nó san áit is mó ceol.
Stór Oidhreachta na nDéise 