Grá mo chroí mo pháistín fionn, A croí is a haigne ag gáire liom, A cíocha geala mar bhláth na n-úll, Is a píob mar eala lá Márta.
Curfá: Is tusa mo rún, mo rún, mo rún, Is tusa mo rún, is mo ghrá geal, Is tusa mo rún is mo chumann go buan, Sé mo chreach gan tú agam ó do mháithrín.
Cara mo chroí mo pháistín fionn A dá ghrua ar lasadh mar bhláth na gcrann, Táimse saor ar mo pháistín fionn, Ach amháin nuair a ólaim a sláinte.
Curfá: Is tusa .....
Bhí mé naoi n-oíche i mo luí go bocht, Ó bheith sínte faoin díle is mé idir dhá thor, A chumainn mo chroí is mé ag smaoineamh ort, Is ní bhfaighinnse le fead nó le glaoch thú.
Curfá: Is tusa .....
Ó tréigfead mo mhuintir is mo chairde gaoil, Agus tréigfead a maireann de mhná an tsaoil, Ní thréigfead le mo mharthain thú, a ghrá mo chroí Nó go sínfear i gcónra faoi chlár mé.
Stór Oidhreachta na nDéise 