I dTosach mo Shaoil

I dtosach mo shaoil, nuair a dh'fhágas an baile
Chasadh orm cailín beag óg ins an tslí;
Bhí sí chomh haerach gur thugas-sa gean di siúd
Is thá sí mar mhairg ró-mhór ar mo chroí.
Níl agam tréada ar mhaoil ná ar bheanna-chnoic,
Capall ná caoire ná teaghlach fé dhíon.
Cuir umat nua-éadach is éalaigh chun bealaigh liom
Slán agus beannacht le buaireamh an tsaoil.

Gluaiseam le chéile ar éileamh ti' 'n tábhairne,
's beimid a' ragairne, a ghrá geal mo chroí
Le héirí na gréine, glaofam an sagart chughainn
's beimidne ceangailte i gan fhios don saol.
Beimid ag ól fad a sheasóidh an t-airgead
Cuirim chun bóthair, a ghrá ghil mo chroí.
Nuair a dhíolaim an t-ór is leor san do bhean a' tí,
Slán agus beannacht le buaireamh an tsaoil.

Taifeadtaí

• Amhráin Aneas – Nioclás Tóibín
• Giorraíonn Beirt Bóthar – Ciarán Ó Gealbháin