Aréir is mé téarnadh ar neoin Ar an taobh eile den teora seo thíos Do thaobhnaigh an spéirbhean im' chomhair D'fhág taomanach breoite lag sinn Do ghéilleas dá méin is dá cló Dá béal tanaí beo-mhilis binn Do léimeas fé dhéin dul 'na comhair 'S ar Éirinn ní neosfainn cé hí
Tá spéir-bhruinneall mhaorga dheas óg Ar an taobh eile den teora ina mbím Tá féile agus daonnacht as meon 'S deiseacht ró-mhór sa mnaoí Tá folt léi ag titim go féar Go cócanach ómarach buí Tá lasadh ina leacain mar rós 'S ar Éirinn ní neosfainn cé hí
Dá ngéilleadh an spéirbhean dom ghlór Is iad ráite mo bheoil do bheith-fíor Go deimhin duit go ndéanfainn mo ghnó A léir-chur i gcóir is i gcrích Léifinnse léir stair dom stór 'S ba mhéin liom í phógadh óm chroí Do bhéarfainn an chraobh dhi 'na dóid 'S ar Éirinn ní neosfainn cé hí.
A ghrá ghil bí páirteach liom féin 'S go háirithe dá mb'fhéidir liom scríobh Bheinn ag gáire le bán-chnis na gcraobh Dá bhfaighinn áirithe ó éinne cé hí Níl a cairde ró-shásta liom féin Chun áras a dhéanamh ná tíos Ach má tá sí d'réir ráite do bhéil Ní náir duit a léamh dúinn cé hí.
A Bhrúnaigh, a fhir mhúinte gan cháim Cárbh ionadh liom stráille gan chrích Seachas réic a bheadh tabhartha do mhná A mbeadh náire air a chás a chur síos Seachas údar a shiúlaigh a lán A bhfuil ó bhailte na tuaithe go Portlaoise A bheith ag teacht ag tabhairt cuntais im' ghrá 'S ar m'iomchrach ná neosfainn cé hí.
Taifeadtaí
Amhráin Aneas, Gael Linn; 2007 – Nioclás Tóibín
Rinn na nGael, Cló Iar-Chonnachta; 1999 – Nioclás Tóibín
Stór Oidhreachta na nDéise 